الأحد، يناير 21، 2007

مرلبورو ابيض

طب استنوا اما احكيلكو دى بقى..حتقعوا من الضحك.....


كنت معزوم فى فرح واحد مهم اوى من اصحاب بابا..بينى و بينكو انا ماليش فى الافراح و الحوارات دى..لكن بابا كان مقتنع انى افتقد الحوار الاجتماعى و عمرى ما حنفع ببصله و آدى دقنه لو فلحت!!
لقيت ترابيزه عليها ناس شكلهم شيك اوى..خصوصا راجل عجوز كده لكن باين من تصرفات الناس انه اهم واحد فى القاعده..كأن الراجل َجَِوز بنته مخصوص عشان يعزم اخينا ده..و اللى شجعنى اكتر انى اختار الترابيزه دى بالذات انى لاقيت جوز رجلين ملهمش حل..قشطه بالهبل حاطين نفسهم على بعض و عليهم حتت بلوندايه بفستان احمر....رهيبه
المهم مساء الخير صباح النور ابتسامتين ذوق جدا خالص و قعدت..
ابتدا الفرح يسخن و رقص و حركات و العروسه و العريس الناس اتلمت عليهم و ايييييييييه..انا بصراحه كل ده ما كانش هاممنى..انا كل اللى فى دماغى البوفيه و الرقاصه..
آآآآآآه يا بنى ما هما قالولى ان دينا حترقص فى الفرح و انا زى مانتوا عارفين يا شباب..اعز دينا اوى..هعهعههعهعهعهعهعهع
المتر و لا معرفش مين جه بارك و هنا فى الميكروفون و قدم دينا بقى و الطبال صوابعه فأفئت من التيكا تيكا دوم دوم .دوم ترررررررك
اشرئبيت انا طبعا و اتعدلت و بحلقت على المكان اللى حتطلع منه الرقاصه المتلهلبه..و اذ بى اوفوجأ..حسيت بحاجه بتلمس طرف رجل البنطلون من تحت الترابيزه..بصيت حواليه و بصيت بسرعه تحت الترالبيزه لقيت المفرش كبير اوى واصل للارض و مش شايف حاجه..
قلت يا واد طنس خالث و كان مفيش حاجه..و الست دينا اديتها الرعشه التمام بصراحه تنحت..بس حسيت تانى بلمسه على رجلى..ابتديت اتوتر بقى اصل..اصل...هى الست دى بتبصلى كده ليه؟؟!!
الست ياخوانا كانت بتبصلى نظره بجنب عينها عجيبه اوى..مش فاهم ده استلطاف و لا حب استطلاع!!
بصيت الناحيه التانيه على شمالى لقيت واحد بسكسوكه كده شكله اللى بيشيل لدينا الشنطه..بصراحه شكيت فيه و قلت فى سرى يا لهوى..هى حصلت!!
بس ابو سكسكه قام و بعد ثوانى حسيت احساس واضح بحاجه على رجلى..قلت بس..هى ذات الساقين اللى بين قوسين دى هى صاحبة الندج اللى من تحت الترابيزه..يا هناك يا سعدك يا واد يا عمرو..و انا اللى كنت بتخانق مع سيادة اللوا والدى عشان ما جيش الفرح
اترسمت بقى يابنى منك ليه و خدت وضع الواد الدونجوان ذو السمك المتقطع حتى ذيله..ذو الكاريزما و الُسُعاع المتين اوى اوى و طلعت علبة السجاير...
ايه؟؟؟
سوبر ايه يا عم انت..ده اوتيل تسع نجوم يا باشا..لا..وقفت جبت علبه مرلبورو ابيض من الكشك اللى جنب بيتنا قبل ما روح
المهم خدت نفس عميق بقى يا بنى و طلعته من مناخيرى و انا ببصلها بجنب عينى بغموض كده مع البدله السودا و الكرافته المخططه ورب..آه اللى جبناها من المول انا و محمد عباس..
و فجأه و لقيتلك قطه طالعه من تحت الترابيزه!!!

هناك 15 تعليقًا:

hamede يقول...

Ye5reb 3aglek halwastene.

e-nadaha يقول...

LOOOOOOOOOOOOOOOOOOOOL
LOOOOOOOOOOOOOOOOOL
cracked me up hamede..
Thanks..:D:D

ahmad hussameldin يقول...

hehe, yekhreb 3a2lak ya 3am 3amr,,fakarteni bemara kot mesafer bardo yegi men 5 ,6 senin keda,,we eza belmodifa elmozza tarmokni nazarat men eyaha,, wana tab3an,2olt bas elbet dabet wemesh adra tekawem kazebeyti,,elmohem a3det tetkalem ma3a shewaya wana kot maksoof. we ta2lan bardo elwa7ed mesh haylamlem,bas esara7a kanet ro7i elman3awya mortafe3a,, ya3ni elbet sabet elbus kolo wegat zabatetni,
wekot ba2a mabsoot ta7n,wero7t a7ki lewa7ed sa7bi, 2ali ahh,,mesh elmodifa folana,,2oltelo ma3rafsh esmaha,,elmohem wasafhali tel3et hya,,ana ba2a elnakhwa khadetni,we besazaga sa2alto enta 3areftaha meneen,,2ali di akbar sharshar ya 7amada we di ash har menar 3al 3alam,,we 2ali nemret telphonah ma3a kol rokab elkhat ya prince,,we enaha bete3mel keda 3ashan temashi 7alaha wetezabat elzabayen,,
2olt " "" ya3ni ana zeboon.

ahmad hussameldin يقول...

ops,,sorry,,you are not 3amr,,right,
i juts thought u were because this was the first post to read on ur blog,isaw there in z profile femle,but i read here badal we marboro,welkalam dah kolo 2olt akeed ana areet female di ghalt,,finally weba3d tafkeer 3amik,, fehemt eneh telling astory on 3amr's tongue,,, yarab makon fahem ghalt,,sorry asli bardo mel sa3id eljewani zai elakh hamede

aya almusa يقول...

hahahahahahahhaha d7ktne :D

e-nadaha يقول...

LOOOOOOOOOOOOOOOOOOOOOOOOOOL
ya ahmad..i'm enadaha..the female u visit at jeeran..i made this blog for the short stories i write men banat afkary..fiction ya3ni..:) :D
and ur story blew me away..i know these sort of women..and i know how u felt..thanks for sharing..really thanks :)

e-nadaha يقول...

aya..
i'm honored..that u paid me a visit..
thanks:)

محمود عزت يقول...

ههههههههههههههههههههههههههههههههههههههه

حلوة !

IRC President يقول...

:D

yanhar eswed, maskhara.

e-nadaha يقول...

Ma7mood..:)
shokran ya fandem :)


IRC..
:D
sa7 :P

غير معرف يقول...

ياواد ياجامد
هههههههه
كمان هههههههههه
والله جامد

freedom يقول...

هههههههه
من الاخر و الله

الشنكوتي الكبير يقول...

هههههه
طب انا اقول ايه بس

المره دي بقى لا تعليق
علشان لو علقت هتفضح
ههههههههههههههههههههههههههه

سلااااااااااااااااااااااااام
انتي سكر بجد

Rasha* يقول...

يا غير معرف ويا حرية :
شكرا شكراً شكراً:) :) :)
انا وحشة اوى انى مشفتش التعليقات من زمان
آسفة

Rasha* يقول...

شنكوتى...ولا كلمة...فضايح نو :) :)