الجمعة، فبراير 16، 2007

لابسه ايه؟

لابسه ايه؟
ليه
عايز اعرف
هههه..ليه
عايز احس انى معاكى
آآآه يانى من كلامك
قوللى
لابسه بدى احمر و بنطلون اسود
بجد
ايوه..بجد
الاحمر عليكى يبقى جنان
ههههه..ايوه..جنان
و ايه كمان
ايه هو اللى ايه كمان؟
لابسه ايه تانى
و لا حاجه
هاهاهاها..معقول؟
يخرب بيتك..فهمتك..لا طبعا لابسه..ههههه
طب ما تقولى
و انت عامل ايه النهارده؟ههههه
تعبان..بتغيرى الموضوع..ماشى..تعباااان
ليه..خلصت شغل متاخر؟
لا
امال تعبان ليه؟
فى واحده قمر مجننانى
يااه..و مين القمر دى بقى
انتى
ههههههه
و بعدين معاكى
و بعدين ايه..انا عملت حاجه
من غير ما تعمللى..انت فظيعه
انا؟هههه
بقولك ايه..انا حاقفل..
ليه رايح فين؟
مش قادر اتكلم اكتر من كده..انا حاقفل
لا..خليك معايا
حرام عليكى..طيب اشوفك مره
مقدرش..نفسى بس مقدرش
انا حامووت خلاص
بعد الشر عليك من الموت
صوتك بيعذبنى..رهيب..صوتك رهيب
بحبك
بموووووت فيكى
انا لازم امشى دلوقتى..كلمنى تانى بالليل..اوكى؟؟
استنى..انا متدَمر..خليكى دقيقه بس..
انا كمان يا حبيبى..بس لازم امشى دلوقتى..
طيب قوليلى حاجه تريحنى
تخيل انى معاك..قلبى معاك..
آآآآآآآآآآه...آآآآآآآآآآآآآه
(قفلت التليفون و ظل حاملا السماعه غير مصدق ما حدث له)
********
ألو
حبيبتى
اهلا حُبى..ازيك؟
وحشتينى اوى
انت كمان
ليه دايما بتقفلى فجاه كده؟
مامى كانت بتنادى عليا
آه..اوكى
صوتك فريش اوى..انت نمت شويه ولا ايه؟
هههههه..لا..هو انا عارف انام من ساعة ما عرفتك
هههههههه..هو انا قهوه ولا ايه؟
ههههههههههههههههههههههه
هههههههه
حبيبتى..انت اقوى من كافيين الدنيا كلها
ههههههه
بجد..انتى مخدر لاعصابى و مفوقه قلبى كمان
ايه يابنى كل ده..ايه اللى جرى لك..حاصدق كده..
صدقى..انا عمرى..عمرى ما حصللى اللى بيحصللى معاكى
و ايه بقى اللى بيحصلك معايا؟
لما بفكر فيكى بس..حتى و انا فى الشغل..بتبهدل..
هى هىى..و ايه كمان؟
متعرفيش المكالمه اللى فاتت دى عملت فيا ايه..انا مش مصدق تاثيرك عليا
ياااااه..حياتى انت
انا ياما صاحبت و عرفت..عمرى ما حسيت كده
حتغر كده يا بنى
مش حتريحينى و نتقابل؟
صعب..مامى صعبه اوى
بس احنا مش صغيرين
يا سلام..انا صغيره يا خويا..انت حتكبرنى ليه
ههههههه..ولا يهمك يا ستى..انا اللى كبير..
هههههه ايوه كده
لا بجد يا قمر..احنا الاتنين قربنا ع التلاتين..و مجربين و فاهمين
يعنى ايه؟
يعنى كده زى مبقولك
خلاص..قريب قوى حاقولك على يوم نتقابل فيه
بجد..جميل جدا
حاقفل بقى
انا ملحقتش
ههههه ملحقتش ايه بالظبط
استنى شويه
مقدرش يا حبيبى..لازم اقفل
طيب هاتى بوسه
مممممممموا
(قفلت السماعه و التفتت بجانبها ثم صفعت ابنها الصغير قائله:يخرب بيت ابوك..كده الجلابيه الكستور اللى حيلتى)

هناك 6 تعليقات:

Summer يقول...

Rasha.....so cute, (قفلت السماعه و التفتت بجانبها ثم صفعت ابنها الصغير قائله:يخرب بيت ابوك..كده الجلابيه الكستور اللى حيلتى
i love the reality of it!!!

e-nadaha يقول...

Summer,
This is so nice of you..i thought you didn't know about this blog :)
yes..reality can be strange sometimes..maybe that's why i called it..3agabi!!
thanks so much for your sweet comment.

IRC President يقول...

I agree with Summer, I actually thought it was an IM at first lol.

P.S. Jerk Magnets :P

e-nadaha يقول...

Irc..
Short story as always..but..
what's a good story without a reality bite?!
yeah..magnet :D

الشنكوتي الكبير يقول...

ههههههههههههههههههههه
هههههههههههههههههههه
ههههههههههههههههه
هههههههههههههههههه
ههههههههههههههههههههه
ههههههههههههههههههههههههههه


اهو القلم اللي بصحيح مش اللي رزعته للواد الصغير
ده اللي بترزعه على قفا الواد الكبير كل مره

بجد بجد تحفه
اول مره اشوف النهايه دي
شوفتها بالعكس في حكايات تانيه بس مجتش في بالي دي

تسلم ايدك
سلااااااااااااااااااااااام
مين اللي بينده ايوه جاي يا عم حسين علشان نغسل الحمامات
عن اذنك المدير عايزني في اجتماع

Rasha* يقول...

المدير جه فى وقته :)
انا كمان عاجبنى موضوع القلم...بتاع الواد الكبير :)