الاثنين، أبريل 02، 2007

كلام كتير..

عارف؟
انا محتاره..حبيتك على غفله..ايوه على غفله..من كلمه..قصدى اول كلمة يعنى..
بس بصراحه..انا حاسه انى حبيتك من قيل كده..من اول احساس بوجودك..
حسيت حاجه جوايا اتحركت و مبقيتش على بعضى خلاص..
يعنى من غير سبب..زى ما يكون ضوء فلاش ضرب فجأه فى قلبى..
ههههه..مش قصدى حاجه وحشه..لا..ده بس تشبيه..
ياااه..كان نفسى ابص لعنيك و اقولك الكلام ده من زمان..هو انا جبانه انا عارفه..
او يمكن بحسبها كتير..
البصه اللى فى عينيك دى انا عارفه معناها..ايوه كنت بحسبها متستغربش..خايفه ادى و بعدين تاخد على كده و تبتدى تقسى..بص..كل الناس كده...
استنى اوطى صوت الكاسيت شويه..مش حاطفيه..حوطيه بس عشان اعرف اتكلم
عارف بحس بايه معاك.؟.بحس انى ملكه..و بستخسر افكر فى حاجه غيرك..انا حتى بستخسر انام..
مع انك مستفز و بايخ..احيانا يعنى..بس بحس استفزازك حته منى..كانك ابنى ولا حاجه
:)
فاكر يوم ما كنا على البحر و قلتلى انك بتحبنى؟
فاكر لما زعلتك اوى و قمت عامل الحركه الزباله دى لما طفيت السيجاره فى كفك..بذمتك حد يعمل كده؟
فاكر اللى حصل؟
الحرق طلع على شكل قلب:)
انا بت جامده انا عارفه..بس محسيتش انى اتحبيت بجد اوى اوى الا لما ببص فى عينيك و بشوف نظره معينه كده مش بتفارقنى ابدا..حب اوى على احتياج اوى على وجع بعادنا..بحس ان قلبك بيوجعك و انت شايف البحر فى عينى..
فاكر الاغنيه اللى كتبتهالى زمان؟
فاكر اما كنت مفلسه و جعانه اوى و جبتلى اكل و اكلتنى بايدك؟
عارف انك واحشنى من ساعتها..هههه..قصدى الحاله..كنت حاسه انك بابايا..خايف عليا اوى..
هو انت مجنون بدون شك..فاكر؟ههههههه..طبعا فاكر..هههه
متهور مع ان ميبانش عليك..بس للاسف ودنى..بتسمع لاى حد يلعبلك فى دماغك..
عشان كده طز فيك..:)
انا حقولك حاجه واحده..
بحبك حب لو وزعوه على سكان بحرى كلهم حيغرقهم سعاده و دفا
قامت من فراشها و ابتسامة غايه فى العذوبه و الرقه يتوجها بريق دمعة شوق تعلو وجهها و توجهت الى مكتبها الصغير..القت نظره اخيره على صورته ثم وضعتها بحرص بين طيات صندوقها.

هناك 13 تعليقًا:

salateenoo يقول...

هوة طفى السيجارة في ايده فعلا ..!!
ايه حب المعتقلات ده ...ربنا معاه ...وايده تخف .. :)

حلو قوي الكلام التلقائي ده

e-nadaha يقول...

هههههههههه..
ده خيال يا احمد..
تفتكر ممكن يبقى حقيقه؟
بجد متشكره اوى..على كل زياره و قرايه:)

حياة يقول...

nice thoughts :) ....continue...

thx 4 visiting KayNkon & welcome any time ...

Abd El Rahman يقول...

:D

IRC President يقول...

جميل :)

Lasto-adri *Blue* يقول...

u know the best thing about such talks..
that you dwell into something you wish to, no matter what are the reasons stopping you..

but tell you a secret, you turned out braver than i am..
i wrote lots of these stuff on my own.. then torn pages..
its like... hmm... fear of the unkown..
lol.. look at rediculous me...

e-nadaha يقول...

كيان العزيزه..
شكرا على الزياره
دلوقتى عرفتى بيتى التانى..فاضل الثالث بقى و تكمل الثلاثيه:)

e-nadaha يقول...

شكرا يا عبده ع الزياره :)

e-nadaha يقول...

IRC,
Thanks dear friend :)

e-nadaha يقول...

Blue dearest..
Not silly at all..you're just true!
I know exactly what you mean..
We get cold feet and that pulls us back..but know what?
Sometimes we gotta be careless and jump..knowing that we may or maynot make it..
risks!!
Living :)

7ala يقول...

Woooooow !!! No comment !

e-nadaha يقول...

7ala..
know what?
it's greaaaaaat seeing you hear :)

الشنكوتي الكبير يقول...

يا لهوي دي طلعت ملحوسه وبتكلم الصوره كل ده
قعدت اقول ده تليفون
وبعدين قلت ليكون مات وهي لسه مش واخده بالها
وبعدين لقيتك بتقولي الصوره بتشيلها قلت طيب كويس اهي طلعت مجنونه بنت مجانين
وده طبيعي يعني مادام بتحب واحد بيطفي السيجاره في ايده وقال ايه
عملت شكل قلب
جوز مخابيل لايقين على بعض خالص
ههههههههههههههههههههه

بس جامده
سلاااااااااااااام